శివుడి ఆజ్ఞ లేనిదే చీమైనా కుట్టదే
ఎవరి ఆజ్ఞతో జరిగేను ఇన్ని అమానుషాలు
ఎవడు గీసిన గీతకి ఎవడు బాధ్యుదు?
జరుగుతున్న పాపాలకి ఎవడూ శిక్షార్హుడు?
అందుకే...
ఎవడు ఆడే ఆటలో ఎవడు పావో తెలుసుకో
నీవు మెచ్చిన రీతిలో గీత నీవే మార్చుకో!!
------------------------------------------- శ్రీ హర్ష 

కల్మషం ఎరుగని ఆ స్నేహం బాల్యం నాకు చూపింది
చిలిపితనపు ఆ స్నేహం కౌమరం నాకు ఇచ్చింది
తోడు నిలుచు ఆ స్నేహం యవ్వనం నాకు పంచింది
మనసు పంచు ఆ స్నేహం ఆశ గానే మిగిలి ఉంది....
-------------------------------------------------- శ్రీ హర్ష

సీటుకు ఎక్కడ వస్తుందో అని పోటు
ఓటుకు విలువ కట్టింది నోటు
పాలించే వాడికి సై అంటూ
విర్రవీగింది పోలీసు బూటు
ప్రసార భారతి అయ్యింది
ఈ నాటకాలకు వారధి
ఎవరు కట్టాలి ఈ ఆగడాలను సమాధి???
------------------------------------------- శ్రీ హర్ష

నా కనులలో కనులు కలిపి

నా ఊహలకే సంకెళలేస్తివే

నీ ఎద కౌగిట హత్తుకుని

నా ఎద సడిని మార్చితివే

నా పెదవికి పెదవి కలిపి

నా మాటలనే మట్టుపెడితివే

నీ మనసు తెలిపి

నా మనసునే దోచితివే

నా లోకమే నీది చేసుకొని

నను ఏల వచ్చిన రాణివి నీవే!!!!

------------------------------- శ్రీ హర్ష

ఎన్నాళ్లో ఓపిక పట్టి

ధైర్యానికి సాహసం జత కట్టి

నీ ఎద గది తలుపులు తట్టి

అందించా నా ప్రేమ చీటీ

అందులోని తప్పులు లెక్కకట్టి

చంపకు నన్ను మొట్టి

ఆపై ఏడవాలి తల బొప్పి కట్టి

నువ్వు సై అంటే సాగుదాం జోడు కట్టి

లేకుంటే చెప్పు చూసుకుంటా ఇంకో బ్యూటీ

---------------------------------------------శ్రీ హర్ష

గుండె చేసే చప్పుడు శ్వాస చెబుతుంటే

మనసు పలికే భావం కనులు చూపుతుంటే

చేర రావేమే సఖి ఏలుకోవేమే?

వేగి రావేమే చెలీ

జోడు కావేమే??

-------------------------------శ్రీ హర్ష

నిను చేరే దారినే సెలవిమ్మంటు

నిను తాకే గాలినే నే వేడుకున్నా

నీ తోడే ఉండే ఆ కిటుకేమిటో

నిను వీడని కాంతినే నే కనుక్కున్నా

నిను ఏలుకొన రాజునై నే వస్తున్నా

కార్యార్థినై కొల్లగొట్ట నీ సొగసు ఖజానా!!

-------------------------------శ్రీ హర్ష

కొమ్ములొచ్చిన దొరతనానికి

బెండు తీయవచ్చిన నక్సలిజం

కాపుకాసి... మాటువేసి

సమరవీరుల అమరవీరుల చేస్తుంటే

తెలియకుందే ఏది నిజం...

లాల్ సలాం మీ నినాదం

ఎందుకాయెను నెత్తుటి గులాం

ఏ దశలో మారింది

మీ ఉనికి తెలుపు ఈ నైజం

ఏమాయెను మీ క్రాంతి సూత్రం

అన్నలకై వేచే ఆర్తులకు

చేరేనా ఈ చేదు నిజం....... !!

-------------------------------శ్రీ హర్ష

సరిగా లేననా

సరి కాలేననా

సిరి కలలేననా

సిరి కళ లేదనా

ఏమని తెలుపవేమని

కనుల సడి విని

చేరాను నీ సరసనీ

మనసు ఒడి చేరి

నీ పెదవి తడి కోరనీ

కోరిన నీ మనసునీ

చేరితే మన మనువనీ

నీవే నా సగమనీ

కనవే ఓ కన్యామణి !!!

--------------------శ్రీ హర్ష

గోడ మీది బల్లి,

చేయకే లొల్లి

ఉలిక్కిపడి బుల్లి,

అరిచింది లౌడ్లీ

అది విని సడన్లీ,

జారింది నా చేతిలో ఇడ్లీ

రిపీటైతే మళ్లీ,

నీ పరిస్థితి డెడ్లీ

ఇట్లు యువర్స్ మర్డర్లీ,

బుల్లీస్ లవింగ్లీ .....

------------------------------శ్రీ హర్ష

ప్రేమను పొందుట మనసుతనం
ప్రేమను పంచుట మనిషితనం
ఇది నేర్వని ఓ యువతరం
ఎటు సాగెను మీ ప్రస్థానం?
------------------------------శ్రీ హర్ష