ఓ గాంధీ...

నిను అనుసరించువారు కల్ల, అనుకరించువారు కోకొల్ల

నీకు నిలయం ప్రతీ గల్లీ, కానీ నీ నిండా దుమ్ము ధూళి

నేటి నాయకులను చూస్తే వెరీ కీన్లీ

విషయాలు చాలా సిల్లీ, కానీ చేస్తారు పెద్ద లొల్లి

పోయావు వెరీ ఎర్లి, లేకపోతే అయ్యేది నీకూ పెళ్ళి

భారతావని నా తల్లి, రోదిస్తోంది తల్లడిల్లి!!!!

--------------------------------------------శ్రీ హర్ష

నా ఊహలకు ఆజ్యం పోసి

నా మనసుకు వలలను వేసి

నా కలలకు ప్రాణం పోసిన

ఓ చిలకమ్మా...

నిను వర్ణించే పదం కరువాయెనమ్మా

నను చేరి మనసు కలపవమ్మా

నే భరించుటకు ఒప్పుకొనవమ్మా!!!

---------------------------------శ్రీ హర్ష

ఓ మధురానగరిలో మణిపూస

నిను చేరాలని నా ఆశ

నీపై వీడదు నా ధ్యాస

నే విడిచే వరకు తుది శ్వాస !!!

---------------------------శ్రీ హర్ష

డబ్బని లవ్ డబ్బని నీ గుండె కొట్టుకుందా

పబ్బనే ఓ జబ్బునే తన వెంట తెచ్చుకుందా

తగ్గనీ ఓ పెగ్గునే నీ నోట వేయమందా

మబ్బని చదువబ్బని చవటల్లో కలుపుకుందా

ఒప్పుని, ఇది తప్పని ఇకనైన తెలుసుకోరా!!!!

--------------------------------------శ్రీ హర్ష

ఎంతమందిని ఎంచినా

నా ప్రేమను పంచునా

నీ పొందుకే ఈ యాచన

చేరరావే నా పంచన

నా మదిన కూడిన చింతన

ఈ ఎడబాటుకు సూచన

నీ మదికి వేసిన వంతెన

కాంచవే ఓ కాంచన!!!!

---------------------------శ్రీ హర్ష

మెల్లంగ చిరుగాలి నీ చెక్కిలి నిమరగా

సల్లంగ చిరుజల్లు నీ మేని తాకగా

వేగంగ నా తలపు నీ మది చేరదే?

కమ్మంగ నీ ముద్దు నా పెదవి చేరదే??

----------------------------------- శ్రీ హర్ష

సత్యమే ఆనందం అన్నవాడు, రతి ఆనందం కోరే

కల్కి నేన్నవాడు, కలికి చేదోడుగా చేరే

కాసు ఉంటే, పాపమైనా రామరామ హరేహరే

వీరిని నమ్మినవాడు, ఎవడికివాడు యమునా తీరే !!!

------------------------------------------ శ్రీ హర్ష

పాశ్చాత్యుల పరుగులెత్తించిన వీరత్వం

నా నేలకు తెచ్చెను స్వాతంత్ర్యం

ఈ దేశ చరిత్రకు వచ్చెను విజయ గర్వం

పొట్టలు పెంచిన నాయకులతో మొదలాయెను

పూట గడవని వాని పొట్ట కొట్టే వారసత్వం

ఓ కాలమా, నీ పుటలో వీరికో స్థానమా??

పురాణ పురుషుల పక్క చేరే యోగం

ఈ పుట్ట చీమలకో వరమా ??

నా భావి తరాల ధౌర్భాగ్యమా?????

----------------------------- శ్రీ హర్ష

నీకై వెదికాను గతమంతా

నిన్నే తలచాను రోజంతా

నీ చూపుకే మైమరచి ఒకింత

నే వాలినాను నీ చెంత

నీవే నిండినావు నా మనసంతా

ఓ సమంతా....

నువ్వు కోరితే అంకితం జన్మంతా!!!

----------------------------- శ్రీ హర్ష

మనసు మరుగున పడిన భావాలు

ఉవ్వెత్తున ఎగసెను నేడు

నిను చేరే దారిలో నీడలైన ఙ్నాపకాలు

ఊరకుండక రేపిన అలజడి చూడు...

------------------------------------ శ్రీ హర్ష

ఆనందాల నదులు కడలి గడప తడుతుంటే

కష్టాల కడలిలో మునిగిన ఓ మానవుడా

నీ కన్నీటి జలపాతాలకు వేయి ఇక కళ్ళెం

ఆనందం ఆస్వాదించుటకు వెతకు ఓ మార్గం

-------------------------------------- శ్రీ హర్ష

నిను కన్న నాడు మనసే మూగబోయింది

నీ కన్న నేడు సరి జోడు లేదంది

తన ఊహలకే ప్రాణం నీవంది

మది గదిలో దాగిన నీకే ఈ జననం అంకితమంది

----------------------------------------- శ్రీ హర్ష

నీ తలపులు నా మది తలుపులు తడుతుంటే

వేచి ఉండుట నా తరమా

ఎద చేరి నీవు గిలిగింతలు పెడుతుంటే

ఆ కవ్వింతలనాపతరమా

కనులు మూసినా నీవు కానరాకుంటే

నీ సొగసుచూడతరమా.....

-------------------------------------- శ్రీ హర్ష

అలమేలు చేసెనేమో అలనాడు మేలు

జగమేలు వాడు జగము మేలు చూసెనా

మిమ్మేలు వాడు మీ మేలు చూడడు

మేలు కొనే ముందే మేలుకొనర సోదరా

కష్టించి నీవే ఓ దరి చేరుకోరా!!!!

--------------------------------- శ్రీ హర్ష

తరగతిలో పురోగతి
బయటకు వస్తే అదోగతి
పాఠం చెప్పెను నీతి
ప్రపంచం చూపెను అవినీతి
నీది కాని నిధి
కోరెను నీ సన్నిధి
ఎంచుకొనుట నీ వంతు
ఫలితం ఆ తరువాతి తంతు

పరిధి లేని ప్రగతి
అంతు లేని ఆశ
తరుగు లేని వివేకం
దరి చూపని నీ దారి
చూస్తాయి నీ అంతు
ఎంచుకొనుట నీ వంతు
ఫలితం ఆ తరువాతి తంతు
--------------------------------------శ్రీ హర్ష

చిత్రంగా ఉందే నీ చిత్రం చూస్తుంటే

చిత్రంగా ఉందే నా పక్క నీవుంటే

నా మదిలో చేరిన తార

ఏం మాయ చేసావే ఓ సితార

--------------------------------------------శ్రీ హర్ష

ఓ 'ప్రే'యసి 'మ'నసా 'కు'శలమా
నా 'ప్రే'యసి 'మ'నసు 'తో'డడిగిన
ఈ రోజు
ప్రేమికుల రోజు
--------------------------------------------శ్రీ హర్ష

నా లక్కు మారి ఓ సుకుమారి
దిల్ లోన దూరి చేసింది చోరి
నా ఎదుట చేరి నవ్వింది ప్రతీసారి
కాచాను దారి, పడ్డాను దాని వెనకే మరి
దాని అన్న గిరి చేస్తాడు దాదాగిరి
ఇచ్చాడు ఒక్కటి మూతి మీద మరి
దానితో అయ్యింది నా ఫేసు పూరి
చెప్పాను సారి, మనసయ్యింది భారీ
నా మంచి కోరి, నా ఫ్రెండు సూరి
ఆనక చెప్పాడు ఓ మిస్టరీ
"ఓరి చారి అది ఓ పిచ్చి పోరి"!!!!
-------------------------------------శ్రీ హర్ష

ఓ విద్యార్థీ

తెలంగాణ ఉద్యమెత్తి

తెలుగు తల్లి ఉసురు తీసి

తెలివితేటల కాల రాసి

మూర్ఖులై .... మూఢులై...

వెలుగు వెతికి వెంబడించాల్సిన విద్యార్థు లారా

కానరని చీకట్ల లో కాటువేసే సర్పాలకు బలి కాకండి

ప్ర గతి పథానికి ప్ర థమ జ్యోతి కావలసిన మీరు

తెలుగు జాతి భవితకు చరమగీతం పాడకండి

తెలుగు జాతి మనది నిండుగ వెలుగు జాతి మనది

చెంతనున్నవరకు చింతలేదు

వీడిపోతే విలువలేదు

ఏకం చెంతనే ఉన్నది సూన్యం

ఐక్యతలోనే ఉన్నది బలం

ఆర్థి క మాంద్యానికి వెనుకడుగు వేశాం

బుద్ధి మాంద్యంతో వెనుకకే పయనించకండి

తెలుగు జాతి భవితకు చరమగీతం పాడకండి

తెలుగు జాతి మనది నిండుగ వెలుగు జాతి మనది !!!
--------------------------------------------------శ్రీ హర్ష

నీకై పరితపన ఎవరికి ఎరుక
నన్ను వదిలి నిను చేరిన నా నీడకు తప్ప
నీపై ఉన్న ప్రేమకు ఏమి చుపగలను సాక్ష్యం
నాలో ఉన్న నిన్ను తప్ప
నాకై వేచి ఉన్న నీకు ఏమి ఇవ్వగలను
నీకై వెదుకుతున్న నన్ను తప్ప
------------------------------------------ శ్రీ హర్ష